Description
Reviews
Mae'n siwr fod y rhan fwyaf ohonom yn gyfarwydd a Phedair Cainc y Mabinogi - rhai ohonom, o bosib, wedi gorfod eu hastudio'n fanwl mewn Cymraeg Canol, ac eraill ohonom wedi cael bras syniad o'r straeon ar ol eu darllen mewn llyfrau plant. Wel, dyma lyfr sy'n cynnwys rhywbeth yn y canol - addasiad swmpus o'r pedair stori. Mae'r llyfr yn addas i blant hyn ac oedolion. Mae ynddo dros 120 o dudalennau ac y mae hynny'n rhoi syniad i chi o'r manylder a geir yma. Mae'r llyfr clawr caled wedi cael ei gyflwyno mewn diwyg glan, hawdd ei ddarllen ond yr hyn sy'n gwneud y llyfr hwn yn gwbl atyniadol yw'r lluniau gan yr artist Valeriane Leblond. Ar ddechrau'r gyfrol ceir llun o bawb ym mhob cainc gydag eglurhad pwy yw pwy. Ceir hefyd fapiau o Gymru'n dangos lle yn union mae'r mannau gwahanol a enwir yn y ceinciau. Dyma lyfr, heb os, sy'n haeddu bod yn hosan pob plentyn y Nadolig hwn. Bydd ei ddarllen yn rhoi cyflwyniad penigamp i rai o brif gymeriadau ein llen i genhedlaeth newydd o ddarllenwyr. Mae'r awdur wedi dal naws y ceinciau i'r dim - eu tristwch a'u hiwmor, ac mae'r dweud mewn mannau yn hyfryd o gynnil a diwastraff. Mi ellid ei ddarllen dro ar ol tro a chael pleser pur yn byseddu'r tudalennau cain. -- Sarah Down-Roberts @ www.gwales.com
Book Information
ISBN 9781849670234
Author Sian Lewis
Format Paperback
Page Count 128
Imprint Rily Publications Ltd
Publisher Rily Publications Ltd
Dimensions(mm) 220mm * 220mm * 8mm