Description
Reviews
Antur y Mileniwm yw'r stori gyntaf mewn cyfres o lyfrau ar gyfer darllenwyr ifanc oddeutu 8 i 12 oed. Mae'n chwip o stori gan Manon Steffan Ros sy'n llawn hwyl am y cymeriadau hoffus Clem Clyfar, Dilys Dyfeisgar a Derec Dynamo. Arwyr oedd y plant hyn, rhai a oedd yn hoffi antur ac yn galw eu hunain yn 'TRIO'! Yn anffodus roeddent yn anhygoel, yn ANHYGOEL O WAEL, ac yn methu'n aml ac yn mynd i helynt, sy'n gwneud y llyfr yn wahanol ac yn unigryw. Un diwrnod, aeth y triawd i Gaerdydd i wylio sioe am anifeiliaid y jyngl gyda mam Derec. Er mawr syndod i bawb roedd rhywun wedi newid y geiriau econig ac enwog sydd i'w gweld ar Ganolfan y Mileniwm! Cawn ymuno gyda'r Trio wrth iddynt geisio datrys y dirgelwch yn eu ffordd ddoniol eu hunain. Yn nodweddiadol o Manon Steffan Ros mae'r eirfa'n goeth a'r ysgrifennu yn glyfar, megis yr enw 'Trio': am fod tri ohonyn nhw ... a'u bod yn trio bob tro. Mae'r lluniau yn ategu'r stori i ddarllenwyr ifanc a'u gwisgoedd gwych yn dangos dychymyg byw yr awdures. Gwelwn Dilys Ddyfeisgar yn gwisgo sbectol moron trwy'r sioe oherwydd bod moron yn dda i'n llygaid! Dim rhyfedd ei bod yn gweld pob dim yn oren! Ewch allan i'ch siop lyfrau leol i brynu'r llyfr yma - mae'n werth pob ceiniog, a chofiwch roi cynnig ar y llyfr arall yn yr un gyfres, Antur y Castell! -- Non Dafydd @ www.gwales.com
Book Information
ISBN 9781912261413
Author Manon Steffan Ros
Format Paperback
Page Count 88
Imprint Atebol Cyfyngedig
Publisher Atebol Cyfyngedig
Dimensions(mm) 210mm * 148mm * 7mm